කුමාරසිරි අබේකෝන්….මා දුටු නිහතමානිම නිර්මාණකරුවා…

අබේ අයියා හෙවත් කුමාරසිරි අබේකෝන් මහත්තයා මට හමුවන්නේ අහම්බයෙන් නොවේ. මම ඔහුගේ නිර්මාණ අතිශයෙන් රස විඳ ඇත්තෙක්මි. ටෙලි නිර්මාණායන් අප හඳුණාගන්නා යුගයේ සිට අබේ අයියලා අපිට වැඩ පෙන්නවු උදවියය. ඒ කාලයේ ටෙලිවිව් ප්‍රඩක්ශන් කියන්නේ ,සුනිල් රත්නායක මහත්තයාගේ අති සාර්ථක වැඩ පිලිවෙලක්ය. මේ තුලින් නිර්මාණය වූ ටෙලි ප්‍රඩක්ශන් අදටත් අපිට සිහිනයන් සේ මතයට ආවර්ජනය වේ. මේ පිටිපස සිටි බොහෝ මිනිසුන් අතර කුමාරසිරි අබේකෝන් විශිෂ්ඨ ඩිරෙක්ටර් කෙනෙකි. ඒ සියල්ල්ටම වඩා නිහතමානි උත්තුංග චරිතයකි. ටෙලි නාට්‍ය කලාව ආලිංගයට ගෙනා මිනිසුන් අතරේ කුමාරසිරි අබේකෝන් වඩ වඩාත් කතා කල යුතු චරිතයකි. මා රසවිඳි ඔහුගේ නිර්මාණයන් අතරේ මතක ඇතිදේ මෙසේ සටහන් කරන්නෙමි. ඔහු පිලිබඳ ලියවෙනවා අල්පය. මේ මගේ පසුතැවිල්ලය. ඔහු ප්‍රසිද්ධියට එතරම් ප්‍රිය කරන්නක් නොවේ.

මේවා ලියන්නේ ආදරයට මිසක මිනිසුන් ඔසවා තැබීමට නොවන බව අබේ අයියා තේරුම් ගන්නා බව මමද විශ්වාස කරමි.
මේ කුමාරසිරි අබේකෝන් ප්‍රේක්ශකයා ආලින්දයට ගෙන ආ නිර්මාණයන්ය..

ටෙලි අධ්‍යක්ශනයන්…..

පොද වැස්ස
චායා
එක් මෘගංගානවියක්
විල්තෙර
කල්පාන්තයක්
මේඝ තරණය
ඊශ්වර සති
බඹර සකමන
වැනි විස්සකට වඩා ටෙලි නිර්මාණ අපට තිලිනය කෙරූ අබේ අයියා නොහොත් කුමර සිරි අබේකෝන් “සීමා පවුරු” නමින් සිනමා පටයක්යද ද ශ්‍රීලාංකිකයන්ට දායද කලේය.

මේ සින්දුව අහන්න…මේවා කුමාරසිරි අබේකෝන්ගෙ වැඩ බව බයක් සැකක් නැතිව ලියා තබන්නෙමි.

එක් මෘගංගනාවියක් එකේ.

පද රචනය…සුනිල් රත්නායක
සංගීතය…ආදරනීය තිස්ස සිරි පෙරේරා නම්වූ මහා ලයාන්විතයා
ගායනය …නිරෝශා විරාජනි.

 

 

 

 

 

 

Advertisements
Posted in Uncategorized | Leave a comment

තාත්තා….”සිරසේ “තාත්තා…

තාත්තලා ,අප්පච්චිලා එහෙමත් නැත්නම් ඩැඩීලා හෝ පපාලා ලේසියෙන් හඬන්නේ නැත.. ඔවුන් හඬන්නේ ඇසේ කඳුළු වලින් නොව හදවතේ කඳුළුවලින් පමනක්ම මම බව හොඳින්ම දන්නෙමි. ඒ මමද තාත්තා කෙනෙක් නිසාවෙන්මි. පියෙකුගේ ආදරය කොතරම් වින්දනාත්මකද සහ වේදනාත්මකද යන්න අපූරුවට වටහා ගැනීමට නම්, ඔබ ඔබේ තාත්තාගේ ජීවිතය මුලින්ම වටහා ගත යුතුවේ. එය ඔබ ඔබවම කියවා ගැනීමක් වැනිය. මට මගේ තාත්තා පිලිබඳ නොයෙකුත් විවේචන තිබේ. එනමුත් ඒවා සදාකාලික විවේචනයන් හෝ ක්‍රෝධයන් නොවේ.

ලලිත් රත්නායක නිර්මාණයක් වූ ,” තාත්තා” ටෙලි නාට්‍යය මම “සිරසෙන්” නරඹන්නෙමි. සිරසෙන් වුවත් මා එය රස විඳින්නේ හදවතින්මය. ශ්‍යාම් ප්‍රනාන්දු නම්වූ මේ මිනිසා රඟපෑමට උපන්වූ මිනිස් පුතෙක් බව නැවත නැවතත් පෙන්නුම් කරයි. කැමති අය නරඹන්න. රෝහණ ධර්මකීර්ති නම් අති සුන්දර නිහඬ මිනිසාගේ තනුවක් සහ ගායනයක් වූ මේ ගීතයට සවන් දෙන්න. මේ කුමාර ලියනගේ විසින් රචිත ටොපේ ටොප් පද ආනන්දයක්. තාත්තලා කියන්නේ මහා පුදුම ජාතියක් බං. උන් හරි අහිංසකයි. සංවේදියි. අනේ මන්දා…

අර හීන් හඬට දිය පෑරෙන පහළ වක්කඩේ

දුර ගලා බසින රිදී සිනා රැලි තාම තියේ

කඳු වළලු මැදින් එන හුළඟට කන තියන පුතේ

කෝ දැනෙනවා ද මහ පොළොවේ පපුවෙ තෙතමනේ

 

වැට කඩුලු මඬුලු උඩ කැරකෙන සකලයො ඉන්නේ

මගෙ පුතේ පිහාටුවමයි අත්තටුවක් වෙන්නේ

ජීවිතේ විතර ගැහැටක් තව කොහිද තියෙන්නේ

මේ ගහේ වැලේ මල් ගැන මං විතරයි දන්නේ

 

වල් කොළේ කොතැන තිබුණ ද මහ වනේ දන්නෙ නෑ

කුණ්ඩලේ තරම ඇත් ඇහැකින් බලා ගන්න බෑ

පුතු සෙනේ සිරුර සිඳ යන හැටි කියා ගන්න බෑ

මගෙ හිතේ තියෙන සී පද මගෙ පුතා අහල නෑ

 

Posted in Uncategorized | 5 Comments

පන්දම… යකෙක් වුනත් මොකෝ ආදරේ නම්

හුඟ කාලෙකට පස්සේ අහුවුන පට්ට නිර්මාණයක්. හොඳින්ම රස විඳින්න. මට මියුසික් වීඩියෝ නම් දකින්න වුනේ නැහැ. ඒත් පොඩි කොල්ලෙක්ගේ ලොකු වැඩක්…වීඩියෝ දෙකක්. මේ දරුවගේ වැඩ වලට සවන් දෙන්න.

යටින් තියෙන වීඩියෝ එක සමග, මේ දරුවාගේ ක්‍රියේශන් එක අවබෝධයෙන් සැපක් ගන්න!!!!https://www.youtube.com/watch?v=LgdW5UdaAqU

 

Posted in Uncategorized | Leave a comment

බල්ලන්ට කපුටු දාන

මේවා මාර කුණුහරප. කුණු රසයම මාර ආතල් එකක වෙලානේ තියෙන්නේ. ජාඩි කනවා වගේ. සමහර චීසුත් ඒ වගේ. කෑම විඳින්නෝ හෙවත් ෆූඩිස්ලා ඒ බව දන්නවා. ඒ කෑම පිලිබඳ රසය දන්නන්ගේ හා, කුණු කන්නන්ගේ අතර පොඩි වෙනසක් තිබේ. මෙය ආර්ථික ජිග්සෝ එකක් නොවන බව මම, බඩගින්නේ ඉන්නා කාලයේ පවා හඳුණාගෙන සිටි සත්‍යයකි. රසය සහ කුස ගින්න පිලිබඳ නොයෙකුත් අර්ත විග්‍රහ ඇතිමුත්, ගින්න බඩේ වුනත්, රසය ඇත්තේ දිවේ නොහොත් පැලට් එකේය. රස නොදන්නා එවුන්, අසූචි වැලඳුවත් උන්ට එය මිහිරිය. ඒ දිවේ අප්සට් එකක් මිස, කුසේ අපසට් එකක් නොවේ.

මෙහෙම හිතුනේ ඊයේ දැක්ක ජන බලයේ අශ්වයන් බූරුවන් වීමත්, බූරුවන් අශ්වයන් වීමත් දිහා ,කන, නොකන සහ හුකන සමාජ මඤ්ඤම දිහා බලාගෙන පාන් පෙත්තක්, සම්බෝලයට තවරා ගනිමිනි.

සුනඛයෝ බත් කනවා දැකීම මිහිරි වුවත්, බල්ලෝ වමනය බුදිනවා දැකීම පට්ට අප්‍රසන්නය. ඔයිට වඩා ගූ කෑම වඩාත් යෝග්‍ය වේ.

කැමතිම නාට්‍ය ගීතයක්……….

ලිව්වේ ලූශන් බුලත්සිංහල ශූරීන්
කිව්වේ රොඩ්නි වර්ණකුලසූරිය මහත්මයා
මියුසික් ආදරනීය කපුගේ ලොක්කගේ
නාට්ටිය තාරාවෝ ඉගිලෙති…

දැන් හොඳයි “සමණල්ලු පිහිනයි” කියලා වීදි නාට්ටියක් කරන එක. ඒක මාර වැඩක් වෙයි.

 

 

Posted in Uncategorized | 2 Comments

වචන තියනවා නේද

වචන තියනවා නේද….වචනවල අර්ථය ගොඩ නැගෙන්නේඒවා පාවිච්චිකරන විදිහටයි

ඒවා ඉදිරිපත් කරන ටෝන් එක අනුවයි.”

උපුටා ගැනීම කණා මැදිරියෝ ටෙලි නාට්ටියෙන්දෙබස පිටවන්නේ ශ්‍යාම් ප්‍රනාන්දු නම් 

විශිෂ්ට රංග ශිල්පියාගේ මුවින්ඒක ඉතාම ඉහළයි

තිර රචනය….චාමාර ප්‍රසන්න කොඩිතුවක්කු.
ටැග් ලයින් එකත් මරු….” එළිය ළඟ තියන්,,,එළිය සොයයිකණා මැදිරියෝ

ගායනය…..ජූඩ් රෝගන්ස් සහ සඳුන් පෙරේරා
මියුසික්…….සඳරුවන් ජයසිංහ
පද…….චතුර වර්ණසේකර

පුකේ ලයිට් තියාගෙනකටට ටෝච් හොයන අපේ මිනිස්සු… මට හිතෙන්නේ එහෙමයි.

Posted in Uncategorized | 5 Comments

අනේ ඉනෝකා…

ඇත්තමයි අපි බලන් හිටියා සැළලිහිනියා පියාඹයි කියලා. අනේ අයිටීඑන් එකෙන්වත් ඉගෙන ගන්නකෝ. හරි පරක්කුයිනෙ. මේවා විහිළු නෙමේ. රටේ වගකීම්. බැරි නම් දාලා යන්න. මට බැහැ කියන්න. ඉනෝකා සත්‍යාංගනී….. නිර්මාණකරනය සහ පරිපාලනය යනු කට සහ පුක වගේ අන්තයන් දෙකක් යන බව  ……අවසානයේ ධර්මසේන පතිරාජයන් පවා වටහා ගත්තා දැයි මට සැක සිතේ.මේ සින්දුව දැම්මේ නම් ටියුන් එක ආතල් නිසා.

Posted in Uncategorized | Leave a comment

අහම්බෙන් දුටු මගේ පොඩිම මල්ලි………

රූපවාහිනි සාකච්ඡා සහ සංවාද කෙරෙහි යම් කැමැත්තැක් දක්වන මට අහම්බෙන් මට මගේ පොඩිම මල්ලි හමුවිය. අම්මපා සත්තකයි, මූ මෙහෙම දෙයක් ගැන අපි කාටවත් කියලා තිබුනේ නැහැනේ. අපේ සනුහරේ එකෙක් මෙහෙමවත් ආපු එක ලොකු දෙයක් නිසා, මේක මට දාන්න හිතුනා. ආසාවට දැම්මේ. කැමති නම් බලන්න. මේක අවුරුද්දකට වඩා පරනයි. ඒත් අදයි මම මේක දැක්කේ. කවුරුත් දකිනවට කැමති නැතිව ඇති.

Posted in Uncategorized | 7 Comments